სასწავლო პროექტი

Նախագծի անվանումը-   Ես սիրել կուզեմ

Նախագծի  հիմնական  թեման -  ԱՎ. Իսահակյանի  սիրո թեման

Նախագծի կարևորությունը-  Ներկայացնել, ցուցադրել ամբարած գիտելիքները,ուր ակնհայտորեն կերևան նաև երեխաների մտածողական, հաղորդակցական, դերասանական կարողությունները, ստեղծագործականությունը   եվ կենսափորձը :

Նախագծի նպատակը-Պետք է սահմանվի պարզ եվ նվաճվելի նպատակ. Այն է՝ ստեղծել այլաբանական պատկերաշար Ավ. Իսահսկյանի  սիրային ստեղծագործությունների թեմաներով, որի ընթացքում պետք է երևան հետևյալ կարողությունները՝

Հիմնախնդրի որոշման

Տեղեկություն գտնելու

Տեսական գիտելիքի գործնականում օգտագործման

Գործունեության կազմակերպման

Ստեղծագործականության

Ձեռք բերած տեղեկության դասդասման եվ կարգավորման

Նախագծի մասնակիցները-   11-րդ դասարան

Նախագծի տևողությունը-1ժամ 30 րոպե:

Նախագծի սպասվող արդյունքները- Աշակերտները նախագիծը պետք է ներկայացնեն հստակ, ճիշտ, պարզ,գեղեցիկ:Համոզեն,թե որքանով է իրական նշված արդյունքիհասանելիությունը և որքանով է համապատասխանում նպատակին:

Նախագծի խնդիրները-Սիրո հրաշագործ էությունը,սերը տառապանք, Ավ. Իսահակյան-Շուշանիկ Մատակյան սերը, սերը տառապանք, գեղջկական մաքուր, անարատ սեր ու կյանք-սերը կյանք է, կյանքը՝ սեր :

Նախագծի ռեսուրսները- Իսահակյանի մեծադիր նկարը,բեմի  ետնապատին ծովի պատկեր,բեմի վրա արևադարձային բույսերի դեկորներ , ծաղիկներ, երաժշտություն, մոմեր....

Նախագծի ընթացքը-       Լսվում է ձայն՝

Մեզանից հազարավոր տարիներ առաջ,շատ հեռու կար մի աշխարհ,ուր ծաղիկներ կային՝չքնաղ ու բյուրազան,թիթեռների պես փռված ու թրթռուն

Պարուհիների խումբը պարում է«Ծաղիկների պարը»

Բայց այնտեղ մարդիկ չար էին ու անգութ:

Ներս է մտնում տղան

Տղա-Ախ,մեր աշխարհը սառն է,սառույց,

Զուրկ եմ սիրուց արևի,

Ծով ջան,մեծ ծով,գիրկդ եկա,

Ախ, կարոտ եմ ծով սրտի:

Ծովի պատկերի առաջ մի շատ գեղեցիկ ձուկ հոգեվարքի մեջ է:Պատանին  ձուկը բաց է թողնում ծովի մեջ:

ՁՈՒԿ-Ծովի միջից ձեռքը պարզելով՝ ասում է. –Բարի տղա ,ինչ որսիրտդ կուզի, ասա,ես կկատարեմ քո արած լավության դիմաց:

ՏՂԱ-Ինձ այնպիսի հնար տուր,որ մարդու կրծքի տակ եղած քարը իսկական սիրտ դարձնեմ:

ՁՈԻԿ-Դու սեր ես ուզում, հրաշալի տղա,շատ լավ: Կտրիր ծովափի եղեգներից մեկը, սրինգ շինիր ևմարդկանց մոտ նվագիր : Եթե տեսնես,որ նրանց աչքերը արցունքով լցվեցին,նմացիր,որ քարը սիրտ դարձավ:

Տղան մոտենում է բեմեզրին,սկսում նվագել: Այս ու այն կողմից շրջապատում են նրան, գրկում, համբուրում:

ՀԱՂՈՐԴԱՎԱՐ-Բեմ է մտնում և ասում,որ այդ օրվանից աշխարհ եկավ երգը, ու երգի միջոցով հալվեցին քար սրտերը,և այդ օրվանից սերը վշտի հետ անբաժան  բույն դրեց մարդկանց սրտերում:

Այդ ընթացքում փոխվում է բեմի ձևավորումը՝գեղջկական քողտիկ,ուռենի,աղբյուր:

ԱՍՄՈՒՆՔՈՂ-Հենվելով ուռենուն՝

Արազի ափին բոստանս լինի,

Սալվի ուռ տնկեմ,վարդեր ու լալա,

ՈԻ սրտով սիրած Շուշիկս լինի,

Օջախիս միջին կրակ բոցկլտա:

Հեղինակ-Ես սիրել կուզեմ մաքուր,բանաստեղծական: Ես սիրել կուզեմ ,ես հավատում եմ սիրո հրաշագործությանը,և ահա լավատես հայացքս է սիրո վրա,որ դեռ ստիպում է ինձ սիրել:...Սիրտս երկինք է....Ամեն արարած աստղ ունի այնտեղ,գանձ ունի այնտեղ....

Երգելով բեմ են մտնում աղջիկները:Երգի ավարտից հետո նրանցից մեկը ամոթխած կանգնում է:

Հեղինակ- Շուշիկիս մեջ գտա իմ իդեալները՝ գեղեցիկի,վսեմի և բարոյականի:Ես նրան սիրեցի---Ես ոչինչ չունեմ գրելու այսօր,միայն «նա» է գրչիս և զգացմունքներիս ու  մտածմունքներիս նյութը: «Նա տիրապետեց ինձ  ամբողջապես»:

ՀեղինակըևՇուշան յարը զրուցելով դուրս են գալիս, հնչում է  երաժշտություն, բեմ է մտնում ասմունքող աշակերտը:

Էս ճամփեն ոլոր-մոլոր,

Սև ծովի բոլոր կերթա,

Շուշան յարս ինձ թողել,

Էն տղի հետ ուր կերթա:

Հնչում է «Սիրեցի յարս տարան» երգը խմբի կատարմամբ:

Հեղինակ-Ես կուզեմ սարի շուշան  գագաթը ու հովվական սրինգ:Շուշիկիս հաշիվը վերջացնելուց հետո կառնեմ մորս ու գյուղ կգնամ,հոն կապրեմ , կսիրեմ բնությունը   լի ու խորը սիրով: Ես ուզում եմ անտառ, որսորդի տնակ, ձոր, բոստանչու հոլիկ:

Դուդուկի նվագակցությամբ հնչում է  «Մաճկալ ես....» երգը:

Գեղջկուհին սպասում է մաճկալին. Կապում է գոգնոցը, կաթի սերն է  քաշում մեծ կճուճից ու ասմունքում.

 Կաթի սերը քաշել եմ....

Բեմում ճեմում են սիրահար զույգերը:

Առաջին զույգի տղա- Ես ուզում եմ  գեղեցիկ, կուսական, մաքուր հոգին ու աչքերը: Դիմելով աղջկան՝

Ես հովիվ լինեի,

Դու նազուկ ցարասի,

Գգվեի կարոտով

Վարսերիդ սնդուսի:

Հեղինակ տղա

..... Միամիտ  չեմ հավատամ քեզ ,

Տառապանքս փորձ ունի,

Մի մրահոն կույս էր քեզ պես,

Կոտրեց սիրտս պատանի:

Երկրորդ զույգի  տղա՝ դիմելով աղջկան

....ՈՒսիս վրա  գլուխն հենած

Զալոս անուշ կննջի,

ՈԻ  հեքիաթն էլ կիսատ  մնաց,

 Սիրուս հեքիաթը վերջ չունի:

-Այոյ հրաշք է  աշխարհը, հեքիաթ է, գեղեցիկ և անհուն  զարմանալի :

Հաղորդավար աշակերտ-Սերը կյանք  է, կյանքը՝ սեր, ամեն ինշ սիրուց է սկսվում:Սերը ինձ հետ  է սիրուս բոլոր բջիջներով, իմ էությամբ բովաւդակ:Ես ապրում եմ նրա ներկայությունը. Ես գնում  եմ, քայլում, նա ինձ հետ է:

Երաժշտությունը ուժեղանում է  ,զույգերը մոտենում են Իսահակյանի նկարին ու ծաղիկներ դնում պատվանդանին:

Նրանք թևանցուկ առաջանում են այնպես, որ չծածկվի Իսահակյանի նկարը:Արտասանում են

Քո քնարը սերը երգեց,

Սերը երգեց մշտավառ,

Շուշան յարիդ սիրուն մեռնեմ,

Նա քեզ  դարձրեց սիրահար:

Սիրո գինը միայն գիտի

Քեզ սիրողը , ով հանճար,

Մոմեր վառեմ, լուռ աղոթեմ,

Սիրո աշխարհ,ով աշխարհ:

Մի ուրիշ զույգ վառվող մոմերը շարում է նկարի մոտ ու հեռանում:

Երաժշտություն....

ՄԻՋԱՌԱՐԿԱՅԱԿԱՆ ԿԱՊ-գրականությթւն, երաժշտություն, արվեստ, թատրոն՛, բնություն:

ՆԱԽԱԳԾԻ ՀԵՂԻՆԱԿ՝Սվետլանա Իգիթյան

ՀԵՂԻՆԱԿԻ ԷԼԵԿՏՐՈՆԱՅԻՆ ՀԱՍՑԵՆ՝Svetlanaigitian@ gmail.com